एल्डरसटको हाइस्ट्रिटमा ‘सुम्निमा एस्थेटिक क्लिनिक’ खुलेको छ । आइतबार उद्घाटन गरिएको क्लिनिकमा स्वास्थ्यदेखि सौन्दर्यसम्मका विभिन्न सेवा लिन सकिने छ । मुख्य गरी छाला र कपालको लागि विभिन्न थेरापी तथा लेजर विधिसहितको सेवा क्लिनिकबाट पाउन सकिन्छ ।
एनआरएन अभियन्ता प्रेम गाहा मगर, काउन्सिलर धनबहादुर सार्की, उत्तर गुरुङ तथा फौजिया खान, कलाकार कृष्ण सुवेदीलगायतले आइतबार क्लिनिक उद्घाटन गरे । नर्सिङ शिक्षाप्राप्त दुई उद्यमी महिलाहरू सुशा श्रेष्ठ र मिना खड्का बांठामगरले सुम्निमा क्लिनिक सञ्चालन गर्न लागेका हुन् । उद्घाटनमा बोल्दै उनीहरूले आफूले सिकेको सीपलाई समुदायमा जोड्दै आधुनिक व्यवसाय सुरु गर्न पाउँदा खुसी लागेको बताए । क्लिनिकको व्यवस्थापनतर्फ भने दिपेश बाठामगर र रञ्जन श्रेष्ठ रहेका छन् ।
क्लिनिकमा महिला तथा पुरुष दुवैले सौन्दर्यको सेवा लिन सक्नेछन् । जसमा मुख्यगरी: Pigmentation & uneven skin tone, Anti-wrinkle treatments & skin rejuvenation, Acne scars & skin repair, Skin tightening & anti-ageing, Under eye dark circles, Stretch marks & body concerns Skin lightening & multivitamin boosters लगायत गरिने बताइएको छ ।
उद्घाटनकै अवसरमा सुम्निमा क्लिनिकको वेभसाइट http://www.suhminaaesthetic.co.uk बाट समेत आफू अनुकूल समय बुक गरेर सेवा लिन सकिने जानकारी पनि दिइयो ।
