पिटरबरो नेपाली समाज (PNS) ले प्रत्येक वर्ष गर्मीयाममा घुमघाम तथा मनोरञ्नको आयोजना गर्ने सिलिसलामा यस वर्ष हन्सटान्टन विच (Hunstanton Beach) मा पिकनिक कार्यक्रम गरेको छ ।
‘समर आउटिङ’ नाम दिइएको कार्यक्रम जुलाई ३० शनिबारका दिन समुद्रछेउमा नै खानपिन तथानाचगान गर्दै मनाइएको थियो । आउटिङमा कोही पानीसँग खेलेर रमाइरहेका थिए भने कोही समुद्रछेउमा नै नाचगान गर्न व्यस्त थिए । कोही चेस खेल्दै थिए भने कोही भलिबल खेलेर रमाइरहेका थिए ।
आउटिङमा लागि भनेर पिटरबरोबाट तीनवटा बसको व्यवस्था गरिएको थियो । साथै आउटिङमा करिब दुईसय जना नेपाली सहभागी रहेको कार्यक्रम-संयोजक विष्णु थापाले जानकारी दिए ।
यता पिटरबरो नेपाली समाजका महासचिव निरञ्जन सेढाईंका अनुसार संस्थाले नियमित कार्यक्रमबाहेक पनि थप कार्यक्रम गर्नुका साथै अब भने आउँदो हरितालिका तीज र दशैं कार्यक्रमको तयारीमा केन्द्रीत हुने बताए ।
हेर्नुहोस् Hunstanton Beach का तस्बिरहरू :
