487views
केतुके पातमा, जुनेली रातमा
मायाले लेख्यो मेरो नाम ।
मूलको चिसो पानी, त्यस्तै मिठो बानी
मायाको दन्त्य मोहनी
मुसुक्कै हाँसो, पारेर पासो
मायाले लठ्ठै पार्यो नि…
हरियो वासमा, उजेली रातमा
मायाले लेख्यो मेरो नाम ।
फुरुरु केश, परिझैँ भेष
मायाको आँखै गाजलु
हिँड्दै छिटो–छिटो, बोलि झनै मिठो
लजाउँदै मेरी मायालु…
पिपलको पातमा, दिएर हातमा
मायाले लेख्यो मेरो नाम ।
फूलैको बासना, नौरङ्गी सपना
मायाको देखेँ सपनी
कालो कालो चस्मा, पारेर वशमा
मायाले फसाई हाल्यो नि…
केतुके पातमा, जुनेली रातमा
मायाले लेख्यो मेरो नाम ।
(लेखक पौडेल हाल बेलायतस्थित पिटरबरोमा बस्छन्)
add a comment
